Nid yw'r rhan fwyaf ohonom yn rhoi llawer o ystyriaeth i gael ein hewinedd wedi torri, ond os ydych yn oedrannus neu'n dioddef o symudiad cyfyngedig, yna gall gwasanaeth torri ewinedd fod yn agwedd bwysig iawn ar eich gofal iechyd.

Mae ein hewinedd yn tyfu'n gyson, mewn gwirionedd mae'n cymryd ychydig dros 12 mis i’ch ewinedd i aildyfu yn llwyr, felly gallant ddod yn hir iawn a thorri gan adael ymylon miniog sy'n gallu treiddio'r croen ac arwain at boen a haint. Mae hyn yn arbennig o bwysig i’w osgoi i rheini sydd yn fwy agored i haint megis yr henoed a rheini sy’n dioddef o glefyd siwgr.

Mae traed iach, cyfforddus yn hanfodol, yn enwedig i bobl hŷn. Peidiwch byth ag anwybyddu mân broblemau traed gan y gallant waethygu. Gall ewinedd traed fod yn niwsans go iawn pan fyddwch yn hŷn ac nid ydynt bob amser yn hawdd torri ar eich pen eich hun. Gall ewinedd traed hir achosi cwymp ac arhosiad ysbyty posibl o ganlyniad.

Gyda nifer o glinigau yn y gymuned sy'n gweithredu ar draws Rhondda Cynon Taf, Pen-y-bont ar Ogwr a Merthyr Tudful mae ein staff a hyfforddwyd yn arbennig yn cadw pobl ar eu traed ac o gwmpas gydag ewinedd picio berffaith!

Os yw cyrraedd un o'n clinigau yn anodd, gallwn ddod â'r gwasanaeth i'ch cartref. Rydym yn gwybod o'r adborth a gawn gan ein cwsmeriaid bod cadw eu hewinedd traed wedi torri yn rheolaidd yn eu galluogi i aros yn weithgar ac i leihau'r risg o gwympo.

Nid yw hwn yn wasanaeth rhad ac am ddim. Rydym yn codi £13 am dorri ewinedd mewn clinig neu £20, a milltiroedd oddi wrth y clinig agosaf, am ymweliad cartref.

Mae’r manteision gynnal iechyd traed da yn cael eu teimlo gan dros 3,000 o gwsmeriaid a gyda mwy yn dod trwy'r drws bob dydd, mae’r gair yn lledaenu am y gwasanaeth gwych!

I drefnu apwyntiad, cysylltwch â ni ar (01443) 490650